Antolatutako tailerrak

Bihar goizeko 10:30etan Donostiako Gipuzkoa plazan hasiera emango diogu aurtengo Zinemaldia artisautza azokari eta bertan izango gara hilaren 28ra arte. Baina, bitartean, antolatutako tailerren zerrenda erakutsi nahi dizuegu azoka-gosea hobeto pasatzeko. Beti bezala, artisauak izango dira tailerretako maisu eta parte-hartze eta erakustaldi tailerrak izango ditugu.

TAILERREN ZERRENDA(16:30 – 20:00):

Parte-hartze tailerrak:

Irailaren 20a: Feltrozko Matrioskak (Christina Garcia).

Ordu bete inguruko bi txanda eskainiko dira eta bakoitzean zortzi-hamar pertsona onartuko dira. Bertan, matrioska formako krisketa bat egingo dute orratz feltroa erabiliz. Hori dela eta, parte-hartzaileek 9 urte baino gehiago izan beharko dituzte.

Irailaren 21a: Europa ekialdea eta txotxongiloak egitearen artea (Guru Marionetas).

Bi tailer eskainiko dira, bakoitza ordu beteko iraupenekoa, eta zortzi-hamar pertsonentzat izango da. Talde bateko parte-hartzaileek txotxongilo bana egingo dute egurrezko bola eta haga bidez. Beste taldeko parte-hartzaileek, berriz, eskularruzkoak egingo dituzte, munstroak sortzeko kolorezko eskuzorroak erabiliz. Partaideak helduak badira, modelatzea irakatsiko zaie.

Irailaren 27a: Pysanki: margotutako arrautzak (Alfar).

Pysanki deituriko Ukrainako pazko arrautzak dekoratzeko teknika tradizionala ezagutzeko tailerra izango da. Tailer honetan ezingo dute haurrek parte hartu kandelekin egiten baita lana. Bost pertsonez osaturiko taldeetan antolatuko da eta bakoitzak arrautza bat margotuko du teknika hori erabiliz. Tailerraren antolatzaileak arrautza bat hustuko du parte- hartzaileen aurrean eta arrautza hauen sinbologia eta historia azalduko du.

Erakustaldi tailerrak:

Irailaren 22-23-24a: Egurraren eraldatzea (Karlos Irazu).

Motozerra bidez, tamaina ezberdinetako matrioskak egingo dira.

Irailaren 26a: Kaligrafia eta polikromia tailerra (Idoia Larrañaga).

Europa mendebaldeko kaligrafo baten lanean oinarrituz, kaligrafia lan bat egingo da. Letra kapitularra eta testu txiki bat izango du eta urrezko orriaren teknika erabiliko da apaintzeko.